وأخيرا .. تحديث جديد يتيح إعادة استهداف متابعين حسابك على "انستجرام" في الإعلانات من خلال الجمهور المخصص Custom Audience

كلنا عارفين إننا نقدر نعمل جمهور مخصص من الجمهور اللي عامل لايك لصفحاتك على فيسبوك بحيث تعمله إعلان إعادة استهداف Retargeting مرة تانية 

وبرده تقدر تعمل جمهور مشابه Lookalike Audience بحيث توصل لجمهور مشابه في اهتماماته للجمهور اللي بيتابع صفحتك على فيسبوك

الجديد إن الميزة دي تم إتاحتها دلوقتي في حسابات انستجرام بحيث تقدر تعمل جمهور مخصص من المتابعين لصفحتك على انستجرام بحيث تقدر تعيد استهدافهم في إعلاناتك وتعمل برده جمهور مشابه ليهم

طبعا علشان تقدر تعمل كده لازم يكون من خلال مدير الأعمال Business Manager على فيسبوك مش من إعلان انستجرام نفسه من الأبليكيشن 

الطريقة كالتالي:

هتدخل على مدير الأعمال وتعمل حملة جديدة وفي قسم الـ ad set هتنزل لقسم اختيار الجمهور Audience وهتختار Create New جنب Custom Audience وبعدين Custom Audience وتختار Instagram Account وبعدين تختار اسم الحساب على انستجرام وهتلاقي في قسم Events موجود People who started following this professional account

لو التحديث ده مظهرش ليك لسة فمتقلقش هيظهر قريب لكل الحسابات